馴良野馬Ford Mustang 2.3L EcoBoost

January 6, 2017
31,271 Views

野馬被換上2.3公升直四EcoBoost心臟,就如被閹割了一樣,唔夠Muscle唔夠美利堅……
如果你係咁諗,可能搞錯了。

二戰結束後,悶到抽筋的北美年輕一代興起玩400米直路短跑,不過唔是用對腳,係用四個轆。為了滿足這場純粹直路放爆的街頭競賽,美國本土車廠爭相生產Muscle Car;兩門、四座、大馬力、大容積V8、前置後驅、車長逾5米加埋fastback設計,基本上是Muscle Car的指定動作,經典代表有Oldsmobile Rocket、Chevrolet Chevelle、Dodge Charger及Pontiac GTO等等。

美麗的誤會
不過Muscle Car售價唔夠大眾化,於是Ford借調Falcon的底盤配直6機器,用埋當年美國空軍最勁揪的戰機名,開發出首代Mustang。雖然同樣是兩門fastback設計,後期還加推V8型號,但由於車體較細,所以被稱為Pony Car,同級還有Plymouth Barracuda、Pontiac Firebird、Equus Bass、Dodge Challenger、Mercury Cyclone及Buick Gran Sport等,至於大家熟識的大黃蜂Chevrolet Camaro,其實都係屬於Pony Car類別。

鬥到過晒火
為咗贏,Muscle Car的引擎容積開始鬥到失控,由5.0、5.6、6.4、7.0,一直飆上幾近8.0公升,雖然美國油費低,但咁玩法,點都會造成空氣污染;結果,美國政府亦睇唔過眼,於1970年通過《Muskie Act》限制汽車廢氣排放,再加上1973年爆發石油危機,在雙重打壓之下,大容積、高油耗的典型Muscle Car開始被車廠唾棄。

荷里活效應
嚴格來講,即是話,真正的Muscle Car早在石油危機之後便退下來,而Mustang由始至終都是一輛Pony Car,亦是Pony Car的始祖;雖然在美利堅極度得寵,但美國佬唔會當佢係Muscle Car。
不過唔好誤會,Pony Car並唔代表性能就一定比Muscle Car弱雞,例如由Nicolas Cage主演的《Gone in 60 seconds 》,最叫主角神魂顛倒的Shelby Mustang GT500所採用的7.0公升V8機器,輸出便高達355hp,講緊係1967年的產品喎。由於車身輕,鬥直路,比很多Muscle Car還要快。提起電影,本地車迷對Mustang的認知,某程度跟電影有關;據聞,Mustang就先後在逾3,000齣荷里活電影出現過,呢種硬銷的美式豪情,令全世界都認識到這頭野馬的粗獷一面。

受感染的哨牙仔
在Ford的車系之中,Mustang可以話係獨一無二地位超然,所以無論內外設定,你都唔會揾到屬於福特的半點痕跡,而且車廠為了營造脫韁野馬的氣氛,更索性放棄掛上Ford廠徽而換上一頭向西邊奔馳的野馬,舉世上嚟講,真係無乜邊款車有佢咁有face;更巴閉的是,我們熟悉的經典哨牙仔豐田Celica,整個生產概念及設計都是源自Mustang,可見這頭野馬當年雖然「足不出戶」,但影響力非同小可。

入歐要減排
進入第6代的Mustang,分別配備5.0公升V8、3.7公升V6及2.3公升L4渦輪增壓,唔夠喉,仲有一輛由Ford御用改裝品牌煉成的Ford Mustang Shebly GT350,V8引擎被輕微上調至5.2公升,輸出高達526hp。
至於今次測試的,屬於入門級別的2.3公升L4 EcoBoost,可能有人會覺得直4配Turbo唔夠型,無咗大容積氣吞天下嗰種氣勢,都明嘅,但為了打入英國及歐盟巿場,引擎無辦法唔Downsizing,況且唔鍾意大可以揀過另一副5.0 V8偈,無必要爭論這部2.3 EcoBoost有幾唔合理。

終於識入彎
「He claims he got married, but he’s having lots of fun. Oh baby, yeah baby, Ooh, baby, having me some fun tonight.」
好多好多年前,在美國揸過第一代開篷Mustang,一邊聽住收音機播這首Little Richard的《Long Tall Sally》,一邊扮型架住黑超風馳電掣,感覺懸掛好浮,但舒服;無彎,轉向與懸掛反應唔多協調,但直路加速算快;高轉聲幾吸引,怠速低頻都好正,唔捨得轉上4波的話,代價係睇住油針係咁跌;唔講廢氣問題,單是唔肯入彎,咁樣運去歐洲已經死得,所以我開住這部2.3跑入大浪灣,過彎時嗰種靈活俐落與循跡能力,劈入連續S彎時的紮實穩健步法,真係唔敢相信佢係原本只識跑直路的Mustang,不過同德國車比較,還是欠了一點銳利感。

調出美式風味
引擎來自Focus RS,但輸出被調低了。把轉數踩上3,000,少少推背,算夠力,但唔會有種脫韁彈射的感覺,一來車重影響加速表現,二來這副普通6前速波箱的反應唔夠快,我認我被雙離合器波箱寵壞了。表面上,懸掛設定想模仿歐洲風格,但濾震能力未夠仔細,這種略帶原始的粗糙感,我相信只係車廠故意營造出來的美利堅操控氣氛,因為今時今日的Ford,無可能做唔到幼細調校。

座艙夠質感
雖然駕駛席唔算好fit我身形,但無咗以前嗰種oversized感覺;後座亦唔似以前咁寬敞,但包裹程度比媲前座。Fastback設計係美式叫法,即類似Coupé的斜背,5呎8坐入後座,頭頂空間還可以,高多1吋就有機會頂頭。Selectable Drive駕駛模式設定,可以改變軚盤的輕重、油門敏感度、波箱轉檔時機及控制ESC動態穩定系統。車廂設計新鮮,有強烈金屬質感;速度表的Ground Speed來自航空述語,即飛行時相對於地面水平的移動速度,本來是由Ture Airspeed及Airspeed運算出來的對地速度,家陣印在Mustang的儀表板,加埋中控台下方一排機艙式設計的金屬啪掣,雖然唔會有種揸飛機的感覺,但成件事好夠誠意。講到呢度,我要重播《Long Tall Sally》攞番當年的感覺,嗱!未夠18歲唔准上車呀!

優點
・車廂有質感
・紮實的操控感
・歐洲車難有的硬朗外形

缺點
・手掣操作不就手

野馬被換上2.3公升直四EcoBoost心臟,就如被閹割了一樣,唔夠Muscle唔夠美利堅…… 如果你係咁諗,可能搞錯了。 二戰結束後,悶到抽筋的北美年輕一代興起玩400米直路短跑,不過唔是用對腳,係用四個轆。為了滿足這場純粹直路放爆的街頭競賽,美國本土車廠爭相生產Muscle Car;兩門、四座、大馬力、大容積V8、前置後驅、車長逾5米加埋fastback設計,基本上是Muscle Car的指定動作,經典代表有Oldsmobile Rocket、Chevrolet Chevelle、Dodge Charger及Pontiac GTO等等。 美麗的誤會 不過Muscle Car售價唔夠大眾化,於是Ford借調Falcon的底盤配直6機器,用埋當年美國空軍最勁揪的戰機名,開發出首代Mustang。雖然同樣是兩門fastback設計,後期還加推V8型號,但由於車體較細,所以被稱為Pony Car,同級還有Plymouth Barracuda、Pontiac Firebird、Equus Bass、Dodge Challenger、Mercury Cyclone及Buick Gran Sport等,至於大家熟識的大黃蜂Chevrolet Camaro,其實都係屬於Pony Car類別。 鬥到過晒火 為咗贏,Muscle Car的引擎容積開始鬥到失控,由5.0、5.6、6.4、7.0,一直飆上幾近8.0公升,雖然美國油費低,但咁玩法,點都會造成空氣污染;結果,美國政府亦睇唔過眼,於1970年通過《Muskie Act》限制汽車廢氣排放,再加上1973年爆發石油危機,在雙重打壓之下,大容積、高油耗的典型Muscle Car開始被車廠唾棄。 荷里活效應 嚴格來講,即是話,真正的Muscle Car早在石油危機之後便退下來,而Mustang由始至終都是一輛Pony Car,亦是Pony Car的始祖;雖然在美利堅極度得寵,但美國佬唔會當佢係Muscle Car。 不過唔好誤會,Pony Car並唔代表性能就一定比Muscle Car弱雞,例如由Nicolas Cage主演的《Gone in 60 seconds 》,最叫主角神魂顛倒的Shelby Mustang GT500所採用的7.0公升V8機器,輸出便高達355hp,講緊係1967年的產品喎。由於車身輕,鬥直路,比很多Muscle Car還要快。提起電影,本地車迷對Mustang的認知,某程度跟電影有關;據聞,Mustang就先後在逾3,000齣荷里活電影出現過,呢種硬銷的美式豪情,令全世界都認識到這頭野馬的粗獷一面。 受感染的哨牙仔 在Ford的車系之中,Mustang可以話係獨一無二地位超然,所以無論內外設定,你都唔會揾到屬於福特的半點痕跡,而且車廠為了營造脫韁野馬的氣氛,更索性放棄掛上Ford廠徽而換上一頭向西邊奔馳的野馬,舉世上嚟講,真係無乜邊款車有佢咁有face;更巴閉的是,我們熟悉的經典哨牙仔豐田Celica,整個生產概念及設計都是源自Mustang,可見這頭野馬當年雖然「足不出戶」,但影響力非同小可。 入歐要減排 進入第6代的Mustang,分別配備5.0公升V8、3.7公升V6及2.3公升L4渦輪增壓,唔夠喉,仲有一輛由Ford御用改裝品牌煉成的Ford Mustang Shebly GT350,V8引擎被輕微上調至5.2公升,輸出高達526hp。 至於今次測試的,屬於入門級別的2.3公升L4 EcoBoost,可能有人會覺得直4配Turbo唔夠型,無咗大容積氣吞天下嗰種氣勢,都明嘅,但為了打入英國及歐盟巿場,引擎無辦法唔Downsizing,況且唔鍾意大可以揀過另一副5.0 V8偈,無必要爭論這部2.3 EcoBoost有幾唔合理。 終於識入彎 「He claims he got married, but he's having lots of fun. Oh baby, yeah baby, Ooh, baby, having me some fun tonight.」 好多好多年前,在美國揸過第一代開篷Mustang,一邊聽住收音機播這首Little Richard的《Long Tall Sally》,一邊扮型架住黑超風馳電掣,感覺懸掛好浮,但舒服;無彎,轉向與懸掛反應唔多協調,但直路加速算快;高轉聲幾吸引,怠速低頻都好正,唔捨得轉上4波的話,代價係睇住油針係咁跌;唔講廢氣問題,單是唔肯入彎,咁樣運去歐洲已經死得,所以我開住這部2.3跑入大浪灣,過彎時嗰種靈活俐落與循跡能力,劈入連續S彎時的紮實穩健步法,真係唔敢相信佢係原本只識跑直路的Mustang,不過同德國車比較,還是欠了一點銳利感。 調出美式風味 引擎來自Focus RS,但輸出被調低了。把轉數踩上3,000,少少推背,算夠力,但唔會有種脫韁彈射的感覺,一來車重影響加速表現,二來這副普通6前速波箱的反應唔夠快,我認我被雙離合器波箱寵壞了。表面上,懸掛設定想模仿歐洲風格,但濾震能力未夠仔細,這種略帶原始的粗糙感,我相信只係車廠故意營造出來的美利堅操控氣氛,因為今時今日的Ford,無可能做唔到幼細調校。 座艙夠質感 雖然駕駛席唔算好fit我身形,但無咗以前嗰種oversized感覺;後座亦唔似以前咁寬敞,但包裹程度比媲前座。Fastback設計係美式叫法,即類似Coupé的斜背,5呎8坐入後座,頭頂空間還可以,高多1吋就有機會頂頭。Selectable Drive駕駛模式設定,可以改變軚盤的輕重、油門敏感度、波箱轉檔時機及控制ESC動態穩定系統。車廂設計新鮮,有強烈金屬質感;速度表的Ground Speed來自航空述語,即飛行時相對於地面水平的移動速度,本來是由Ture Airspeed及Airspeed運算出來的對地速度,家陣印在Mustang的儀表板,加埋中控台下方一排機艙式設計的金屬啪掣,雖然唔會有種揸飛機的感覺,但成件事好夠誠意。講到呢度,我要重播《Long Tall Sally》攞番當年的感覺,嗱!未夠18歲唔准上車呀! 優點 ・車廂有質感 ・紮實的操控感 ・歐洲車難有的硬朗外形 缺點 ・手掣操作不就手 [taq_review] 2017 Ford Mustang 2.3L EcoBoost規格表 引擎:L4 DOHC 16V渦輪增壓 容積:2,261c.c. 馬力:317ps@5,700rpm 扭力:432Nm@3,000rpm 傳動:前置引擎‧後輪驅動 波箱:6前速自動配軚盤+/-轉檔 0-100km/h:5.8秒 極速:233km/h 懸掛:(前)麥花臣/ (後)多連桿 制動:(前/後)通風碟 輪圈:19吋合金 輪胎:(前/後)255/40 R19 96Y Pirelli P-Zero 長x闊x高:4,784 x 1,916 x 1,381mm 軸距:2,720mm 車重:1,664kg 油耗:9.3L/ 100km (Combined) 廢排:179g/km 售價:599,000 ,(2017)$619,000

83%

美式豪情

Ford Mustang 2.3L EcoBoost

不論Muscle還是Pony,美國車在香港都一樣是鳳毛麟角,揸出街,收視率隨時勁過意國超跑。今代Mustang主要力谷英國及澳洲等右軚巿場,亦因為咁,本地車迷有了一親芳澤的機會。 進入第6代的Mustang,除了注入更多時下流行的科技元素之外,仍保留了很多別具特色的經典設計;當然,如果追求有點暴力傾向的性能,那聲威力猛的V8自然吸氣一定係最有態度;但如果只係要佢個樣,鍾意佢硬朗豪邁的性格,這輛相對慳油的2.3 EcoBoost,其實已經夠用有凸。 唔好以為男人先識得欣賞,去年,Mustang就打敗294名歐美對手成為《Women’s Performance Car of the Year 2016》,可見這頭野馬受歡迎程度。

設計

88%

性能

80%

操控

82%

設備

82%

造工

85%

User Rating : 4.98 ( 2 votes)
83

2017 Ford Mustang 2.3L EcoBoost規格表
引擎:L4 DOHC 16V渦輪增壓
容積:2,261c.c.
馬力:317ps@5,700rpm
扭力:432Nm@3,000rpm
傳動:前置引擎‧後輪驅動
波箱:6前速自動配軚盤+/-轉檔
0-100km/h:5.8秒
極速:233km/h
懸掛:(前)麥花臣/ (後)多連桿
制動:(前/後)通風碟
輪圈:19吋合金
輪胎:(前/後)255/40 R19 96Y Pirelli P-Zero
長x闊x高:4,784 x 1,916 x 1,381mm
軸距:2,720mm
車重:1,664kg
油耗:9.3L/ 100km (Combined)
廢排:179g/km
售價:599,000 ,(2017)$619,000

Tags
,

Leave A Comment

error: Content is protected !!