估佢唔到 Mercedes-Benz SLC 200

May 12, 2017
Comments off
41,351 Views

不是由AMG組裝,亦沒有AMG的調校,但竟然有意想不到的效果。

平治SLC 200,是抵港SLC車系中的入門級別。
直四偈,輸出只有184hp,正常嚟講,沒人會對佢有特別期望。

無期望無失望
我哋先後測試過SLK 55及facelift後的SLC 43,兩款都係頂級型號,所以對這款SLC 200只有一個「安份守己」的期望,只要彎路聽聽話話,開篷唔會吹亂頭髮,閂篷無出現金屬板件的磨擦聲,波箱運轉順滑,加速力過得去,靚靚仔仔,已經無投訴。

一粒掣打開兩邊窗
聽老人家講:「未食五月稯,寒衣勿入櫳」,趁住四月份,天氣仍帶點清涼,攞車之後第一時間打開硬篷,關掉冷氣,有微風吹入車廂,感覺唔錯喎;開篷按鈕下方仲有一個側窗鍵,撳落去,可以一次過開關兩邊側窗,呢個設計夠晒方便。開篷車,本身就具備招遙的特質,再加埋這部SLC 200長相有啲似AMG GT,在灣仔銅鑼灣一帶穿梭,會係一件幾公子的事。

柔順的行車模式
用ECO mode遊了一陣車河,感覺部車好馴好柔,比較似一輛C-Class Sedan多過兩門跑車;如果你問我佢跟Comfort mode有乜分別,我可以答你,係沙發與按摩椅的分別;不過呢兩項駕駛模式就比較適合巿區,如果用佢嚟跑山,會嫌軚感輕了點,畀油出彎會遲鈍咗啲,波箱又會太早轉波;所以當沿司徒拔道駛入南區時,我決定轉用Sport plus mode。

聲底唔似兩公升
軚感明顯豐富咗,波箱亦帶點神經質地降低兩檔,油門反應敏感咗,最意外的,是引擎聲竟然變得低沉又有層次,完全唔似一副兩公升引擎!用一般車速跑畢深水灣道,1,800rpm發出的低沉聲已經好有feel。在南區等緊狄Sir嗰陣,我終於忍唔住落車打開頭冚再行去車尾確認一下呢部車的真身。

純平治調校
無簽名牌,無添加AMG元素,引擎是百份百的純平治組裝調校,尾牌亦確實寫住SLC 200。
「呢副偈係AMG調校?」好彩,連狄Sir聽完呢副兩公升直四引擎的咆哮之後,都有同一份感覺,證明我的聽覺無問題。當然,如果跟AMG調校及組裝的簽名引擎比較,呢部SLC 200的聲底及響亮程度還有一段距離,但以一輛入門級SLC來講,佢把聲真係唔錯。

操控有玩味
低沉的排氣聲以外,底盤調校都好有玩味;大油殺入S彎,車尾會出現如大扭力尾轆車的左捵右捵情況,穩定控制系統亦很識趣未有即時干預,讓駕駛人可以利用收油回軚等條件反射動作來自救;在山谷中敞開車頂聽住迴盪的引擎排氣聲,再加埋呢種帶點狂妄的操控特性,的確比我們預期中好玩過癮,所以長測五天,我哋8成時間都選用了較為耗油的Sport plus模式,在平均時速51km的情況下,錄得油耗8.3L/100km。

優點
・低油耗
・低沉響亮的排氣聲
・sport plus模式能展現狂野的一面

缺點
・尾段加速稍遜

不是由AMG組裝,亦沒有AMG的調校,但竟然有意想不到的效果。 平治SLC 200,是抵港SLC車系中的入門級別。 直四偈,輸出只有184hp,正常嚟講,沒人會對佢有特別期望。 無期望無失望 我哋先後測試過SLK 55及facelift後的SLC 43,兩款都係頂級型號,所以對這款SLC 200只有一個「安份守己」的期望,只要彎路聽聽話話,開篷唔會吹亂頭髮,閂篷無出現金屬板件的磨擦聲,波箱運轉順滑,加速力過得去,靚靚仔仔,已經無投訴。 一粒掣打開兩邊窗 聽老人家講:「未食五月稯,寒衣勿入櫳」,趁住四月份,天氣仍帶點清涼,攞車之後第一時間打開硬篷,關掉冷氣,有微風吹入車廂,感覺唔錯喎;開篷按鈕下方仲有一個側窗鍵,撳落去,可以一次過開關兩邊側窗,呢個設計夠晒方便。開篷車,本身就具備招遙的特質,再加埋這部SLC 200長相有啲似AMG GT,在灣仔銅鑼灣一帶穿梭,會係一件幾公子的事。 柔順的行車模式 用ECO mode遊了一陣車河,感覺部車好馴好柔,比較似一輛C-Class Sedan多過兩門跑車;如果你問我佢跟Comfort mode有乜分別,我可以答你,係沙發與按摩椅的分別;不過呢兩項駕駛模式就比較適合巿區,如果用佢嚟跑山,會嫌軚感輕了點,畀油出彎會遲鈍咗啲,波箱又會太早轉波;所以當沿司徒拔道駛入南區時,我決定轉用Sport plus mode。 聲底唔似兩公升 軚感明顯豐富咗,波箱亦帶點神經質地降低兩檔,油門反應敏感咗,最意外的,是引擎聲竟然變得低沉又有層次,完全唔似一副兩公升引擎!用一般車速跑畢深水灣道,1,800rpm發出的低沉聲已經好有feel。在南區等緊狄Sir嗰陣,我終於忍唔住落車打開頭冚再行去車尾確認一下呢部車的真身。 純平治調校 無簽名牌,無添加AMG元素,引擎是百份百的純平治組裝調校,尾牌亦確實寫住SLC 200。 「呢副偈係AMG調校?」好彩,連狄Sir聽完呢副兩公升直四引擎的咆哮之後,都有同一份感覺,證明我的聽覺無問題。當然,如果跟AMG調校及組裝的簽名引擎比較,呢部SLC 200的聲底及響亮程度還有一段距離,但以一輛入門級SLC來講,佢把聲真係唔錯。 操控有玩味 低沉的排氣聲以外,底盤調校都好有玩味;大油殺入S彎,車尾會出現如大扭力尾轆車的左捵右捵情況,穩定控制系統亦很識趣未有即時干預,讓駕駛人可以利用收油回軚等條件反射動作來自救;在山谷中敞開車頂聽住迴盪的引擎排氣聲,再加埋呢種帶點狂妄的操控特性,的確比我們預期中好玩過癮,所以長測五天,我哋8成時間都選用了較為耗油的Sport plus模式,在平均時速51km的情況下,錄得油耗8.3L/100km。 優點 ・低油耗 ・低沉響亮的排氣聲 ・sport plus模式能展現狂野的一面 缺點 ・尾段加速稍遜 [taq_review] 2017 Mercedes-Benz SLC 200規格表 引擎:L4 DOHC 16V Turbo 容積:1,991c.c. 馬力:184hp@5,500rpm 扭力:300Nm@1,200-4,000rpm 傳動:前置引擎‧後輪驅動 波箱:9G-Tronic全自動配軚盤+/-轉檔 0-100km/h:6.9秒 極速:237km/h 懸掛:(前)三連桿/ (後)多連桿 制動:(前/後)通風碟 輪圈:18吋合金 輪胎:(前)225/40 ZR18/ (後)245/35 ZR18 Pirelli P-Zero 長x闊x高:4,133 x 1,810 x 1,301mm 軸距:2,430mm 車重:1,480kg 油耗:5.7-6.1L/ 100km (Combined) 廢排:133g/km 售價:$559,000

87%

有聲有勢

Mercedes-Benz SLC 200

我們在不同型號中,已先後測試過多款平治的直四引擎,對於這副編號M274,輸出184hp及300Nm的兩公升渦輪增壓引擎並不陌生,所以大概已預計到SLC 200的性能表現。不過當我們選擇Sport plus mode之後,都不禁懷疑這種低沉雄渾的排氣聲是否出自AMG調校;雖然引擎輸出唔突出,9G-Tronic亦表明其性格取向,但連續彎卻能做出如大馬力車的操控感,這些都是我們始料不及的。

設計

88%

性能

81%

操控

90%

設備

88%

造工

90%

User Rating : 4.93 ( 2 votes)
87

2017 Mercedes-Benz SLC 200規格表
引擎:L4 DOHC 16V Turbo
容積:1,991c.c.
馬力:184hp@5,500rpm
扭力:300Nm@1,200-4,000rpm
傳動:前置引擎‧後輪驅動
波箱:9G-Tronic全自動配軚盤+/-轉檔
0-100km/h:6.9秒
極速:237km/h
懸掛:(前)三連桿/ (後)多連桿
制動:(前/後)通風碟
輪圈:18吋合金
輪胎:(前)225/40 ZR18/ (後)245/35 ZR18 Pirelli P-Zero
長x闊x高:4,133 x 1,810 x 1,301mm
軸距:2,430mm
車重:1,480kg
油耗:5.7-6.1L/ 100km (Combined)
廢排:133g/km
售價:$559,000

Share

Comments are closed.

error: Protected Content