放心好多 Volkswagen e-Golf

November 30, 2017
26,874 Views

冇DSG波箱,冇EA888引擎,又冇得玩Sport mode,呢部仲算唔算係Golf?

掉走引擎波箱,換上摩打鋰電池,雖然放棄高性能轉玩零排放,但骨子裡,都係Golf底。

豁免稅制下的都巿現象
有段時間,久唔久就會聽到唔同的人講同一句說話:「都係時候為環保出一分力了!」但今年4月1日之後,我就再無聽過了。
呢個並唔是甚麽詭異的都巿傳說,而係電動車豁免首次登記稅制始末的都巿現象。有個豬朋,喺「特府」未宣布呢項稅制之前,就係咁批評電動車只係把廢氣轉移去發電廠,根本無助改善空氣質素,又話電池更換成本貴,計番條數可能揸柴油車仲抵云云。點知呢個豁免稅制一出街,佢就第一時間買咗部Model S,仲四圍同人講:「係時候為環保出一分力了!」

形態撕裂
都明嘅,其實環保都一樣離唔開成本考慮,計過度過有着數喎,慳到一大筆喎,咪揾個好聽啲的藉口囉,有幾多個真係會為咗減少巿區廢氣排放而選擇電動車吖;有啲電動車用家仲話應該永久寬免首次登記稅來推動環保,如果係咁,一旦電動車的增長比率超過燃料車的話,到時築橋修路呢筆費用到底邊個畀呢?
難怪豁免電動車首次登記稅呢單嘢,搞到車主好似黃絲藍絲咁分裂出油車及電車兩個派系,而增長率極高的Tesla就順理成為箭靶;所以過咗今年4月1日之後都仲去買電動車,我真心畀個like呢班車主,呢啲先至係真正為環保出力。

車價其實平咗
今次測試呢部e-Golf,車價比同門Golf GTI Performance仲要貴3萬,前者136ps,後者245ps,如果硬係要從玩家角度去睇呢件事,e-Golf真係完全無生存空間可言。
其實呢部升級版e-Golf原本只售33.7萬,比facelift前仲平咗3.2萬,但因為新稅制取消咗豁免首次登記稅的關係,反而令新車價貴咗8萬。
車身換了新款的前後泵把、LED頭尾燈及C形日照燈;內櫳裝上12.3吋數碼化表板及8吋觸控式顯示屏,並內置新一代多媒體系統包括GPS導航連泊車視像顯示等,不過呢啲都未係重點。

續航力增近一倍
以「土」字形放喺車底的鋰離子電池是由Panasonic提供,再經福士的Braunschweig廠房進行組裝及入箱,每箱電池在安裝之前,都要通過振動、温度、撞擊及20次浸泡測試,確保加熱後浸入凍水中都唔會有任何問題。
上一款e-Golf的電量是24.2kWh,如果用EPA計算,續航距離大約是134km,老實講,長途啲再塞下車真係有啲驚。今次facelift換了一組全新的鋰電池,喺唔影響重量及體積的情況下把電量增大至35.8kWh,續航距離可以去到200km,成件事就放心好多。

兩種制式計算續航力
喂喂喂! 續航距離乜唔是加到300km咩?
是咁的,關於電動車續航力的計算方式,普遍分為New European Driving Cycle及Environmental Protection Agency兩種,歐洲NEDC的計法比較樂觀,而美國EPA就較為保守;如果你問我邊種計法最準確,我嘅意見係取兩者之間,始終,可以行幾遠係好受外在因素影響,假如環境配合而你又有隻黃金右腳,兼且懂得適當時候轉用最有效果的B檔進行動力回收,分分鐘可以行超過300km都唔出奇。不過咁,真係打算買電動車的話,就要先計劃好充電問題,咁最好當然係屋企停車場有個私人充電位,玩完就揸返去用7.2kW慢充5粒鐘左右唔使煩,瞓醒又有車揸就最棧鬼。

免泊車快速充電站
除咗慢充之外,e-Golf所採用的Combined Charging System綜合充電系統都可以進行快速充電,至於充幾耐,就要視乎部車剩低幾多電量,一般約在30-45分鐘之間。以我所知,香港暫時有10多個呢類快速充電站,能同時支援3種制式的充電插頭;而位於鴨脷洲的前港燈營運大樓及新油麻地避風塘附近的中電百周年紀念大廈,仲以非停車場形式提供免費充電,情況類似Tesla位於科學園的露天免費充電站,不過呢項設施就會要求用家不能離開現場,充電後要馬上讓位畀其他輪候的駕駛人,咁都啱的,呢啲只係好簡單的同理心。

三種自選駕駛模式
除了增大電容量之外,馬力亦由原本的115ps提升至136ps,扭力就多咗20Nm,0-100km/h快咗0.8秒,但綜合耗電量則維持在每百公里12.7kWh。自選駕駛模式有3種,包括Normal、ECO及ECO+,因為目的係要節能,所以冇咗汽油版Golf的Sport mode。一般情況下,我會建議使用Normal,尤其夏天,因為呢個mode係最原汁原味;入夜之後就可以選擇ECO,加速腳踏的敏感度會減弱咗少少,冷氣都會少咗。至於ECO+的限制就直頭係「罷工級」,零冷氣,加速無力,兼且最高時速被降至每小時只有90km,呢個咁極端的模式,當然係「非常情況」先至會用。

四種動力回收強度
由於採用摩打驅動的關係,所以無需出動DSG雙離合器波箱,而係一副編號EQ 270的單速波箱。除咗一樣有P、R、N、D檔之外,仲多咗一個針對回收動能的B檔;波棍一樣有+/-,但係呢個加減波主要用嚟切換回收動能的強度,D1的回收能力最少,D3就最大,但前進阻力亦更大,想用得簡單啲,可以索性當普通自動波咁樣揸,短行程輕微落斜用D1,長命斜就轉用D2,又長又斜就用D3;超斜的話,仲有一個回收動能更強的B檔,阻力相當於拍入1波,右腳放開加速踏板的話,brake燈會自動打着,避免尾隨車輛跟得太貼。

有引擎的滑溜感
整體操控方面,其實有啲似輸出150ps的Golf 280 TSI GT Sport,選用Normal或ECO mode以D波行車,縮腳之後嗰種滑溜感跟engine差唔多,呢個可能同原裝採用低阻力輪胎有關,如果系統有埋模擬引擎聲肯定畀佢呃晒。不過因為用咗16吋輪圈的關係,令高速入彎的惰性比較明顯,唔鍾意的話可以換大1至2吋輪圈,但會直接增加耗電,舒適度亦會同時降低,要慳電定要好劈自己諗清楚。至於實際耗電量及日常使用情況,就留待日後長測時再同大家分享。

優點
・操控有質感
・傳動夠滑溜
・舒適又實用
・可自選回收動能強度

缺點
・轉向銳利程度稍遜汽油型號

冇DSG波箱,冇EA888引擎,又冇得玩Sport mode,呢部仲算唔算係Golf? 掉走引擎波箱,換上摩打鋰電池,雖然放棄高性能轉玩零排放,但骨子裡,都係Golf底。 豁免稅制下的都巿現象 有段時間,久唔久就會聽到唔同的人講同一句說話:「都係時候為環保出一分力了!」但今年4月1日之後,我就再無聽過了。 呢個並唔是甚麽詭異的都巿傳說,而係電動車豁免首次登記稅制始末的都巿現象。有個豬朋,喺「特府」未宣布呢項稅制之前,就係咁批評電動車只係把廢氣轉移去發電廠,根本無助改善空氣質素,又話電池更換成本貴,計番條數可能揸柴油車仲抵云云。點知呢個豁免稅制一出街,佢就第一時間買咗部Model S,仲四圍同人講:「係時候為環保出一分力了!」 形態撕裂 都明嘅,其實環保都一樣離唔開成本考慮,計過度過有着數喎,慳到一大筆喎,咪揾個好聽啲的藉口囉,有幾多個真係會為咗減少巿區廢氣排放而選擇電動車吖;有啲電動車用家仲話應該永久寬免首次登記稅來推動環保,如果係咁,一旦電動車的增長比率超過燃料車的話,到時築橋修路呢筆費用到底邊個畀呢? 難怪豁免電動車首次登記稅呢單嘢,搞到車主好似黃絲藍絲咁分裂出油車及電車兩個派系,而增長率極高的Tesla就順理成為箭靶;所以過咗今年4月1日之後都仲去買電動車,我真心畀個like呢班車主,呢啲先至係真正為環保出力。 車價其實平咗 今次測試呢部e-Golf,車價比同門Golf GTI Performance仲要貴3萬,前者136ps,後者245ps,如果硬係要從玩家角度去睇呢件事,e-Golf真係完全無生存空間可言。 其實呢部升級版e-Golf原本只售33.7萬,比facelift前仲平咗3.2萬,但因為新稅制取消咗豁免首次登記稅的關係,反而令新車價貴咗8萬。 車身換了新款的前後泵把、LED頭尾燈及C形日照燈;內櫳裝上12.3吋數碼化表板及8吋觸控式顯示屏,並內置新一代多媒體系統包括GPS導航連泊車視像顯示等,不過呢啲都未係重點。 續航力增近一倍 以「土」字形放喺車底的鋰離子電池是由Panasonic提供,再經福士的Braunschweig廠房進行組裝及入箱,每箱電池在安裝之前,都要通過振動、温度、撞擊及20次浸泡測試,確保加熱後浸入凍水中都唔會有任何問題。 上一款e-Golf的電量是24.2kWh,如果用EPA計算,續航距離大約是134km,老實講,長途啲再塞下車真係有啲驚。今次facelift換了一組全新的鋰電池,喺唔影響重量及體積的情況下把電量增大至35.8kWh,續航距離可以去到200km,成件事就放心好多。 兩種制式計算續航力 喂喂喂! 續航距離乜唔是加到300km咩? 是咁的,關於電動車續航力的計算方式,普遍分為New European Driving Cycle及Environmental Protection Agency兩種,歐洲NEDC的計法比較樂觀,而美國EPA就較為保守;如果你問我邊種計法最準確,我嘅意見係取兩者之間,始終,可以行幾遠係好受外在因素影響,假如環境配合而你又有隻黃金右腳,兼且懂得適當時候轉用最有效果的B檔進行動力回收,分分鐘可以行超過300km都唔出奇。不過咁,真係打算買電動車的話,就要先計劃好充電問題,咁最好當然係屋企停車場有個私人充電位,玩完就揸返去用7.2kW慢充5粒鐘左右唔使煩,瞓醒又有車揸就最棧鬼。 免泊車快速充電站 除咗慢充之外,e-Golf所採用的Combined Charging System綜合充電系統都可以進行快速充電,至於充幾耐,就要視乎部車剩低幾多電量,一般約在30-45分鐘之間。以我所知,香港暫時有10多個呢類快速充電站,能同時支援3種制式的充電插頭;而位於鴨脷洲的前港燈營運大樓及新油麻地避風塘附近的中電百周年紀念大廈,仲以非停車場形式提供免費充電,情況類似Tesla位於科學園的露天免費充電站,不過呢項設施就會要求用家不能離開現場,充電後要馬上讓位畀其他輪候的駕駛人,咁都啱的,呢啲只係好簡單的同理心。 三種自選駕駛模式 除了增大電容量之外,馬力亦由原本的115ps提升至136ps,扭力就多咗20Nm,0-100km/h快咗0.8秒,但綜合耗電量則維持在每百公里12.7kWh。自選駕駛模式有3種,包括Normal、ECO及ECO+,因為目的係要節能,所以冇咗汽油版Golf的Sport mode。一般情況下,我會建議使用Normal,尤其夏天,因為呢個mode係最原汁原味;入夜之後就可以選擇ECO,加速腳踏的敏感度會減弱咗少少,冷氣都會少咗。至於ECO+的限制就直頭係「罷工級」,零冷氣,加速無力,兼且最高時速被降至每小時只有90km,呢個咁極端的模式,當然係「非常情況」先至會用。 四種動力回收強度 由於採用摩打驅動的關係,所以無需出動DSG雙離合器波箱,而係一副編號EQ 270的單速波箱。除咗一樣有P、R、N、D檔之外,仲多咗一個針對回收動能的B檔;波棍一樣有+/-,但係呢個加減波主要用嚟切換回收動能的強度,D1的回收能力最少,D3就最大,但前進阻力亦更大,想用得簡單啲,可以索性當普通自動波咁樣揸,短行程輕微落斜用D1,長命斜就轉用D2,又長又斜就用D3;超斜的話,仲有一個回收動能更強的B檔,阻力相當於拍入1波,右腳放開加速踏板的話,brake燈會自動打着,避免尾隨車輛跟得太貼。 有引擎的滑溜感 整體操控方面,其實有啲似輸出150ps的Golf 280 TSI GT Sport,選用Normal或ECO mode以D波行車,縮腳之後嗰種滑溜感跟engine差唔多,呢個可能同原裝採用低阻力輪胎有關,如果系統有埋模擬引擎聲肯定畀佢呃晒。不過因為用咗16吋輪圈的關係,令高速入彎的惰性比較明顯,唔鍾意的話可以換大1至2吋輪圈,但會直接增加耗電,舒適度亦會同時降低,要慳電定要好劈自己諗清楚。至於實際耗電量及日常使用情況,就留待日後長測時再同大家分享。 優點 ・操控有質感 ・傳動夠滑溜 ・舒適又實用 ・可自選回收動能強度 缺點 ・轉向銳利程度稍遜汽油型號 [taq_review] 2018 Volkswagen e-Golf規格表 摩打形式:恆久磁石同步交流 電池:35.8kWh鋰離子電池 最大馬力:136ps@3,000-12,000rpm 峰值扭力:290Nm@0-3,000rpm 續航距離:300km 傳動形式:前置摩打‧前輪驅動 傳動系統:單速直接驅動 0-100km/h:9.6秒 極速:140km/h 懸掛系統:(前)麥花臣支柱/ (後)四連桿 制動系統:(前)通風碟/ (後)實心碟 輪圈:16吋合金 輪胎:205/55 R16 Bridgestone Turanza T001 長x闊x高:4,270 x 1,799 x 1,482mm 軸距:2,629mm 車重:1,615kg 耗電:12.7kWh/ 100km 售價:$449,980

85%

純電之最

2018 Volkswagen e-Golf

在眾多電動車之中,e-Golf的操控感是我試過之中表現最好的,但MQB底盤的開發過程始終要兼顧引擎及傳動布置的需要,要進一步提升電容量並不容易,所以今次facelift能夠在相同電箱體積、重量及耗電量之下而增加近1倍的續航力,可見車廠在這次改版之中下過不少苦功。

設計

84%

性能

82%

操控

84%

設備

85%

造工

90%

User Rating : 2.4 ( 3 votes)
85

2018 Volkswagen e-Golf規格表
摩打形式:恆久磁石同步交流
電池:35.8kWh鋰離子電池
最大馬力:136ps@3,000-12,000rpm
峰值扭力:290Nm@0-3,000rpm
續航距離:300km
傳動形式:前置摩打‧前輪驅動
傳動系統:單速直接驅動
0-100km/h:9.6秒
極速:140km/h
懸掛系統:(前)麥花臣支柱/ (後)四連桿
制動系統:(前)通風碟/ (後)實心碟
輪圈:16吋合金
輪胎:205/55 R16 Bridgestone Turanza T001
長x闊x高:4,270 x 1,799 x 1,482mm
軸距:2,629mm
車重:1,615kg
耗電:12.7kWh/ 100km
售價:$449,980

Share
Tags

Leave A Comment

error: Protected Content