馴咗快咗GT咗 Audi RS 5 Coupé

March 24, 2018
Comments off
50,592 Views

雙離合換了全自動,減容積行少兩個汽缸,自然吸氣又變了雙渦輪增壓,馬力仲要跟舊款一模一樣,全新RS 5到底搞邊科?

為咗抗衡BMW M3,8年前,Audi攞咗當時得令的R8嗰副4.2公升V8自然吸氣引擎、TT的Magnetic Ride,加埋新一代的quattro一齊放晒落A5底盤,最後煉成一輛擁有450hp@430Nm的RS 5。

全新組合
今次測試的第二代RS 5,比A5 Coupé長了50mm,闊了15mm,高度降了11mm,軸距長了2mm,體形是按比例增加。車身、底盤、懸掛都係全新設計,引擎及波箱亦跟上一代完全無關,呢個「全新組合」算幾罕見。雖然今代被設定為GT,但車廂的縫紉方式加上大量使用Alcantara及金屬物料,氣氛比舊款更有跑味。前座椅除咗配備3種按摩功能之外,腰翼位置仲可以獨立調節承托鬆緊度嚟對抗G Force,可惜大腿位無得電調加強support,椅背的按摩力度亦搔不着痕處。

縮咗水一樣勁
引擎容積縮咗水,汽缸又少咗兩個,輸出不變,一樣係450hp,呢個spec,表面上無乜驚喜。比較一下兩位同裔對手,除咗Mercedes-AMG C 63之外,還有新加入的BMW M4代替M3。
M4用3公升直6,輸出431hp@550Nm,0-100km 4.1秒;雖然有一部辣版Competition Edition,馬力提升至450hp,0-100km 4秒,但已經絕咗版。C 63用4公升V8,輸出476hp@650Nm,0-100km 4秒;講power,RS 5夾喺兩部中間,但0-100km只需3秒9,3部之中佢最快。C 63仲有一部S版,輸出要成510hp@700Nm,0-100km先至可以跟RS 5打個平手。

減磅才是王道
明明兩代RS 5的馬力都係450hp,點解舊款0-100km要跑4秒6?原因跟車重有關,呢副跟保時捷Panamera 4S共用的2.9公升V6偈,淨重182kg,比舊款4.2公升V8輕了31kg,加埋今次大量採用鋁合金部件,車重比上一代合共輕了70kg。至於比RS 5重75kg的C 63 S,馬力就要谷到510hp先至可以在「01加速」上同佢扯平,能夠喺輸出比對手少60hp的情況下有咁嘅加速表現,或多或少同RS 5採用四輪驅動有關。

放棄雙離合器波箱
相比之下,比較弔詭的,是今代放棄咗S tronic雙離合器半自動波箱,換了一副Tiptronic全自動波箱,點解會咁?實際測試,呢副8前速Tiptronic喺進行頭3波升檔時,順滑程度會較為佔優,而3波往後的表現,S tronic就比Tiptronic暢順,動力傳遞亦較Tiptronic剛勁有力,簡單啲講,Tiptronic的動力傳送是偏向柔韌,所以相信今次的改動,主要是針對波箱應付大馬力引擎時的耐用性問題。

自動模式最全面
同一副引擎,但RS 5無論頭中尾段的加速力,都明顯快過Panamera 4S,原因RS 5 輕佢215kg,輸出又大佢10hp及50Nm,所以大腳kickdown嗰下推背感都幾強。上一代的V8自然吸氣,起碼要踩上4,000轉,扭力先會湧住出,今代只需2,000轉左右就已經有相同效果。測試RS 5加裝了Dynamic Ride Control,選用Comfort mode,行巿區ok舒服,不過場景轉上山路就有少少「浪」;相比之下,Auto mode的濾震與抗傾反應就比較自然及全面,快慢車的駕乘感都比Comfort mode出色。

有聲勢夠實際
轉用Dynamic mode跑山,波棍再拍去S檔,多功能數碼儀表板其中一項資訊顯示可以監察power及torque的輸出百分比;踩住上,頭3波轉數飆得好快,低沉的排氣聲好靚好響好實;軚感變重,轉向準繩,但回軚感有些少含糊。懸掛反應硬得嚟欠了一點韌性,硬崩崩的跳動感有啲典型跑車味,但跳得嚟又可以keep住線位,彎前減速亦可以維持唔錯的前後比重。操控感,相對於C 63 S嗰種獸性,RS 5的表現略為內斂含蓄,屬於輕鬆容易發揮,整體表現亦切合GT的定位。

https://instagram.com/p/BgkvFVmnznH/ 雙離合換了全自動,減容積行少兩個汽缸,自然吸氣又變了雙渦輪增壓,馬力仲要跟舊款一模一樣,全新RS 5到底搞邊科? 為咗抗衡BMW M3,8年前,Audi攞咗當時得令的R8嗰副4.2公升V8自然吸氣引擎、TT的Magnetic Ride,加埋新一代的quattro一齊放晒落A5底盤,最後煉成一輛擁有450hp@430Nm的RS 5。 全新組合 今次測試的第二代RS 5,比A5 Coupé長了50mm,闊了15mm,高度降了11mm,軸距長了2mm,體形是按比例增加。車身、底盤、懸掛都係全新設計,引擎及波箱亦跟上一代完全無關,呢個「全新組合」算幾罕見。雖然今代被設定為GT,但車廂的縫紉方式加上大量使用Alcantara及金屬物料,氣氛比舊款更有跑味。前座椅除咗配備3種按摩功能之外,腰翼位置仲可以獨立調節承托鬆緊度嚟對抗G Force,可惜大腿位無得電調加強support,椅背的按摩力度亦搔不着痕處。 https://instagram.com/p/Bgx5IgYnm9L/ 縮咗水一樣勁 引擎容積縮咗水,汽缸又少咗兩個,輸出不變,一樣係450hp,呢個spec,表面上無乜驚喜。比較一下兩位同裔對手,除咗Mercedes-AMG C 63之外,還有新加入的BMW M4代替M3。 M4用3公升直6,輸出431hp@550Nm,0-100km 4.1秒;雖然有一部辣版Competition Edition,馬力提升至450hp,0-100km 4秒,但已經絕咗版。C 63用4公升V8,輸出476hp@650Nm,0-100km 4秒;講power,RS 5夾喺兩部中間,但0-100km只需3秒9,3部之中佢最快。C 63仲有一部S版,輸出要成510hp@700Nm,0-100km先至可以跟RS 5打個平手。 減磅才是王道 明明兩代RS 5的馬力都係450hp,點解舊款0-100km要跑4秒6?原因跟車重有關,呢副跟保時捷Panamera 4S共用的2.9公升V6偈,淨重182kg,比舊款4.2公升V8輕了31kg,加埋今次大量採用鋁合金部件,車重比上一代合共輕了70kg。至於比RS 5重75kg的C 63 S,馬力就要谷到510hp先至可以在「01加速」上同佢扯平,能夠喺輸出比對手少60hp的情況下有咁嘅加速表現,或多或少同RS 5採用四輪驅動有關。 放棄雙離合器波箱 相比之下,比較弔詭的,是今代放棄咗S tronic雙離合器半自動波箱,換了一副Tiptronic全自動波箱,點解會咁?實際測試,呢副8前速Tiptronic喺進行頭3波升檔時,順滑程度會較為佔優,而3波往後的表現,S tronic就比Tiptronic暢順,動力傳遞亦較Tiptronic剛勁有力,簡單啲講,Tiptronic的動力傳送是偏向柔韌,所以相信今次的改動,主要是針對波箱應付大馬力引擎時的耐用性問題。 自動模式最全面 同一副引擎,但RS 5無論頭中尾段的加速力,都明顯快過Panamera 4S,原因RS 5 輕佢215kg,輸出又大佢10hp及50Nm,所以大腳kickdown嗰下推背感都幾強。上一代的V8自然吸氣,起碼要踩上4,000轉,扭力先會湧住出,今代只需2,000轉左右就已經有相同效果。測試RS 5加裝了Dynamic Ride Control,選用Comfort mode,行巿區ok舒服,不過場景轉上山路就有少少「浪」;相比之下,Auto mode的濾震與抗傾反應就比較自然及全面,快慢車的駕乘感都比Comfort mode出色。 有聲勢夠實際 轉用Dynamic mode跑山,波棍再拍去S檔,多功能數碼儀表板其中一項資訊顯示可以監察power及torque的輸出百分比;踩住上,頭3波轉數飆得好快,低沉的排氣聲好靚好響好實;軚感變重,轉向準繩,但回軚感有些少含糊。懸掛反應硬得嚟欠了一點韌性,硬崩崩的跳動感有啲典型跑車味,但跳得嚟又可以keep住線位,彎前減速亦可以維持唔錯的前後比重。操控感,相對於C 63 S嗰種獸性,RS 5的表現略為內斂含蓄,屬於輕鬆容易發揮,整體表現亦切合GT的定位。 [taq_review] 優點 ・容易操控 ・加速凌厲 ・雄厚的排氣聲 缺點 ・drive select按鈕操作不就手 ・電動座椅不能調校腿部護墊 2018 Audi RS 5 Coupé規格表 引擎:V6 FSI bi-Turbo 容積:2,894c.c. 馬力:450hp@5,700-6,700rpm 扭力:600Nm@1,900-5,000rpm 傳動:前置引擎‧四輪驅動 波箱:8前速Tiptronic配軚盤+/-轉檔 0-100km/h:3.9秒 極速:250km/h 懸掛:(前/後)多連桿 制動:(前/後)通風碟 輪圈:20吋合金 輪胎:(前/後)275/30 R20 Hankook Ventus S1 evo2 長x闊x高:4,723 x 1,861 x 1,360mm 軸距:2,766mm 車重:1,655kg 油耗:8.7L/ 100km (Combined) 廢排:197g/km 售價:$1,320,000

91%

容易發揮

2018 Audi RS 5 Coupé

換上V6 turbo配Tiptronic波箱的新一代RS 5,超快,但已經不像上一代90度夾角V8那種令人窒息的放肆,慶幸工程師在排氣聲效方面,能夠調校出一種野獸級的飢餓咆哮。全新的底盤調校方式,使RS 5的彎速比上一代更快更易發揮,但牽引力反而弱了,這點可能是工程師透過四驅系統與差速比例等電子機關所營造出來的操控氣氛,因此ESC的介入時間亦稍為延遲以提升駕駛趣味。唯一令人失望的,是又一輛高性能跑車放棄自然吸氣引擎。

外形

86%

性能

93%

操控

93%

設備

88%

造工

94%

User Rating : 3.52 ( 8 votes)
91

優點
・容易操控
・加速凌厲
・雄厚的排氣聲

缺點
・drive select按鈕操作不就手
・電動座椅不能調校腿部護墊

2018 Audi RS 5 Coupé規格表
引擎:V6 FSI bi-Turbo
容積:2,894c.c.
馬力:450hp@5,700-6,700rpm
扭力:600Nm@1,900-5,000rpm
傳動:前置引擎‧四輪驅動
波箱:8前速Tiptronic配軚盤+/-轉檔
0-100km/h:3.9秒
極速:250km/h
懸掛:(前/後)多連桿
制動:(前/後)通風碟
輪圈:20吋合金
輪胎:(前/後)275/30 R20 Hankook Ventus S1 evo2
長x闊x高:4,723 x 1,861 x 1,360mm
軸距:2,766mm
車重:1,655kg
油耗:8.7L/ 100km (Combined)
廢排:197g/km
售價:$1,320,000

Share
Tags

Comments are closed.

error: Protected Content