超出預期 BMW M5

July 12, 2018
71,617 Views

4.4公升V8,600匹,750牛頓米,3.4秒通通不是全新M5的重點,而是自由切換驅動形式。

1984年,第一代M5借調M1跑車的3.5公升直6機器打響頭炮,輸出286hp,6.5秒完成0-100km/h加速,以一輛四門房車嚟講,當年絕對係快到冇朋友。其後第二代315hp,第三代400hp,第四代507hp,第五代560hp,來到今天第六代,輸出已突破600hp,但廠方的公布數字,原來與事實不乎!

傳動新配搭
心臟,是上一代的4.4公升V8 Twin Turbo,不過中冷器及渦輪增壓被強化了,直噴供油壓力亦加大了,戰鬥力跟上一代最強的30週年紀念版M5不相上下。傳動由7前速M DCT Drivelogic雙離合半自動,改為8前速M Steptronic Drivelogic全自動,更首次配備M xDrive四輪驅動系統。

被低估了實力
美國改裝公司IND Distribution及Cars on Autobahn分別對新一代M5進行馬力機及路面測試,發現四輪驅動在Sport plus mode上到5波時,最大馬力竟錄得高達625.61hp!當換成後輪驅動之後,最大輸出喺6波出現時,馬力就降到593hp,選用ECO mode的話,馬力會再減15hp。至於0-100km/h加速,實際測試亦比廠方公布的快了0.2秒,換句話,除了動力輸出會按駕駛模式而改變之外,新一代M5的真正實力亦被低估了,據聞車廠有咁的安排,目的係想駕駛人有種「比預期好」的感覺。

自由切換驅動形式
點都好,我認為今代的重點唔是power,而是駕駛人可在行程中隨意切換四驅或後驅,所以唔使擔心轉行4WD之後的M5會變咗一部路軌車而冇晒屬於FR的操控特性。
呢套M xDrive四驅系統,可按照電子差速的介入情況,再調配DSC與驅動模式合共5種配搭,包括DSC on + 4WD、MDM + 4WD Sport、DSC off + 4WD、DSC off + 4WD Sport及DSC off + 2WD。如果想玩Launch Control,就要選擇在4WD Sport mode的情況下關閉DSC系統,把最強的動力輸出平均解放到每個輪胎;鍾意「走尾」又有番咁上下駕駛技術的話,可以在2WD mode的情況下關閉DSC,而無論M xDrive或者是其他個人化的行車設定,都可預先記錄喺軚盤上的M1及M2紅色快速選鍵內,方便隨時改變操控方式。

乜都有得校
除了軚盤快速選鍵之外,波棍台右邊仲有一排調校掣,可即時針對引擎、懸掛及軚盤作獨立微調,甚至連波箱的轉波速度,都可以透過波棍上方的「上下箭嘴」鍵進行個別調校,再加埋一對夾得好穩的跑車座椅,成個駕駛氣氛都好racing。

從容不迫
第一次行四輪驅動,雖然唔是FWD,但仍感受到強大的輸出被分布到四個輪胎。測試當日路面濕滑,用4WD Sport模式跑山,循跡力依然好得;轉用Steptronic波箱之後,拖波感覺結實了,操控比DCT更有feel;利用波棍上方的調校掣把波箱提升到最快的自動轉波速度,升檔感覺分別唔大,但踩brake減速自動拖波的時間就縮短了。轉向反應比上一代漸進及穩定了,懸掛硬度舒緩咗,韌性強咗;加速力比預期中線性,不過唔代表呢副V8特別善良,只係初始稍為隱藏鋒芒,所以加速去到中段,尤其轉速飆到3,200rpm時,嗰下爆發力真係唔是講玩,所以我有理由相信,如果關掉DSC後選用2WD模式,引擎進入三千轉區範圍之後,尾轆就好大機會開始出現打滑。高轉引擎聲好靚,但我估鍾意得呢類跑房車,會嫌佢把聲唔夠響唔夠放。

低調造形
雖然新一代M5都仲係嗰種獸心羊皮,但為咗加強跑味及減輕重量,除了使用鋁製頭冚之外,車頂更首次以CFRP碳纖維物料製成。制動方面,標準配備M Compound Brakes,前6遮固定卡鉗配後單遮浮動卡鉗;嫌唔夠玩,可以加錢升級為碳陶瓷制動碟。其他設備還包括BMW Display Key、Harman Kardon環迴立體音響、Head-Up Display投射儀表及無線充電等,不過呢啲設備,點都唔及得M5的駕駛氣氛來得吸引。

優點
・中段加速凌厲
・車廂充滿駕駛氣氛
・駕駛模式調校按鈕超就手

缺點
・排氣聲可以再狂放一點

4.4公升V8,600匹,750牛頓米,3.4秒通通不是全新M5的重點,而是自由切換驅動形式。 1984年,第一代M5借調M1跑車的3.5公升直6機器打響頭炮,輸出286hp,6.5秒完成0-100km/h加速,以一輛四門房車嚟講,當年絕對係快到冇朋友。其後第二代315hp,第三代400hp,第四代507hp,第五代560hp,來到今天第六代,輸出已突破600hp,但廠方的公布數字,原來與事實不乎! 傳動新配搭 心臟,是上一代的4.4公升V8 Twin Turbo,不過中冷器及渦輪增壓被強化了,直噴供油壓力亦加大了,戰鬥力跟上一代最強的30週年紀念版M5不相上下。傳動由7前速M DCT Drivelogic雙離合半自動,改為8前速M Steptronic Drivelogic全自動,更首次配備M xDrive四輪驅動系統。 被低估了實力 美國改裝公司IND Distribution及Cars on Autobahn分別對新一代M5進行馬力機及路面測試,發現四輪驅動在Sport plus mode上到5波時,最大馬力竟錄得高達625.61hp!當換成後輪驅動之後,最大輸出喺6波出現時,馬力就降到593hp,選用ECO mode的話,馬力會再減15hp。至於0-100km/h加速,實際測試亦比廠方公布的快了0.2秒,換句話,除了動力輸出會按駕駛模式而改變之外,新一代M5的真正實力亦被低估了,據聞車廠有咁的安排,目的係想駕駛人有種「比預期好」的感覺。 自由切換驅動形式 點都好,我認為今代的重點唔是power,而是駕駛人可在行程中隨意切換四驅或後驅,所以唔使擔心轉行4WD之後的M5會變咗一部路軌車而冇晒屬於FR的操控特性。 呢套M xDrive四驅系統,可按照電子差速的介入情況,再調配DSC與驅動模式合共5種配搭,包括DSC on + 4WD、MDM + 4WD Sport、DSC off + 4WD、DSC off + 4WD Sport及DSC off + 2WD。如果想玩Launch Control,就要選擇在4WD Sport mode的情況下關閉DSC系統,把最強的動力輸出平均解放到每個輪胎;鍾意「走尾」又有番咁上下駕駛技術的話,可以在2WD mode的情況下關閉DSC,而無論M xDrive或者是其他個人化的行車設定,都可預先記錄喺軚盤上的M1及M2紅色快速選鍵內,方便隨時改變操控方式。 乜都有得校 除了軚盤快速選鍵之外,波棍台右邊仲有一排調校掣,可即時針對引擎、懸掛及軚盤作獨立微調,甚至連波箱的轉波速度,都可以透過波棍上方的「上下箭嘴」鍵進行個別調校,再加埋一對夾得好穩的跑車座椅,成個駕駛氣氛都好racing。 從容不迫 第一次行四輪驅動,雖然唔是FWD,但仍感受到強大的輸出被分布到四個輪胎。測試當日路面濕滑,用4WD Sport模式跑山,循跡力依然好得;轉用Steptronic波箱之後,拖波感覺結實了,操控比DCT更有feel;利用波棍上方的調校掣把波箱提升到最快的自動轉波速度,升檔感覺分別唔大,但踩brake減速自動拖波的時間就縮短了。轉向反應比上一代漸進及穩定了,懸掛硬度舒緩咗,韌性強咗;加速力比預期中線性,不過唔代表呢副V8特別善良,只係初始稍為隱藏鋒芒,所以加速去到中段,尤其轉速飆到3,200rpm時,嗰下爆發力真係唔是講玩,所以我有理由相信,如果關掉DSC後選用2WD模式,引擎進入三千轉區範圍之後,尾轆就好大機會開始出現打滑。高轉引擎聲好靚,但我估鍾意得呢類跑房車,會嫌佢把聲唔夠響唔夠放。 低調造形 雖然新一代M5都仲係嗰種獸心羊皮,但為咗加強跑味及減輕重量,除了使用鋁製頭冚之外,車頂更首次以CFRP碳纖維物料製成。制動方面,標準配備M Compound Brakes,前6遮固定卡鉗配後單遮浮動卡鉗;嫌唔夠玩,可以加錢升級為碳陶瓷制動碟。其他設備還包括BMW Display Key、Harman Kardon環迴立體音響、Head-Up Display投射儀表及無線充電等,不過呢啲設備,點都唔及得M5的駕駛氣氛來得吸引。 優點 ・中段加速凌厲 ・車廂充滿駕駛氣氛 ・駕駛模式調校按鈕超就手 缺點 ・排氣聲可以再狂放一點 [taq_review] 2018 BMW M5規格表 引擎:V8 TwinPower Turbo 容積:4,395c.c. 馬力:600hp@5,600-6,700rpm 扭力:740Nm@1,800-5,600rpm 傳動:前置引擎‧四輪驅動 波箱:8前速M Steptronic全自動配軚盤+/-轉檔 0-100km/h:3.4秒 極速:250km/h 懸掛:(前)雙搖臂/ (後)多連桿 制動:(前/後)通風碟 輪圈:20吋合金 輪胎:(前)275/35 R20 / (後)285/35 R20 Michelin Pilot Sport 4 S 長x闊x高:4,966 x 1,903 x 1,473mm 軸距:2,982mm 車重:1,855kg 油耗:10.5L/ 100km (Combined) 廢排:243g/km 售價:$1,799,900

92%

氣定神閒

2018 BMW M5

新一代M5,無論引擎與波箱或車架與懸掛,協調性都是「前無古馬」,雖然仍舊以低調的包裝示人,但亦剛好配合到今代那種氣定神閒的動力傳送方式,內力高深莫測,一出手就要給對手致命一擊似的。跟AMG的E 63 S那種狂野躁底比較,全新M5會顯得略為斯文冷靜,乘坐感亦出奇地比對手舒適,這個亦是近代兩家德國車廠在高性能車系上互換性格的最佳例證。

設計

82%

性能

96%

操控

92%

設備

94%

造工

94%

User Rating : 4.75 ( 1 votes)
92

2018 BMW M5規格表
引擎:V8 TwinPower Turbo
容積:4,395c.c.
馬力:600hp@5,600-6,700rpm
扭力:740Nm@1,800-5,600rpm
傳動:前置引擎‧四輪驅動
波箱:8前速M Steptronic全自動配軚盤+/-轉檔
0-100km/h:3.4秒
極速:250km/h
懸掛:(前)雙搖臂/ (後)多連桿
制動:(前/後)通風碟
輪圈:20吋合金
輪胎:(前)275/35 R20 / (後)285/35 R20 Michelin Pilot Sport 4 S
長x闊x高:4,966 x 1,903 x 1,473mm
軸距:2,982mm
車重:1,855kg
油耗:10.5L/ 100km (Combined)
廢排:243g/km
售價:$1,799,900

Share
Tags

Leave A Comment

error: Protected Content